A CALADA POR RESPOSTA

sábado, 21 de novembro de 2009

“En tanto en cuanto nos den lo que es nuestro, discutiremos ese concepto con el fin de discutirlo” -dicíao o xenial Pazos en Airbag. Nosos, de todos os lucenses son os dous hospitais que nos quere pechar Feijoo: o hospital de Castro e o de San José. “A los hechos me repito”: O Presidente da Deputación de Lugo visita a Feijoo e pregúntalle polos dous hospitais. Feijoo resposta: Cando fun de campaña a Castro tíñao claro pero agora… déixame un mes e falamos. O mes pasou e… silencio. O silencio administrativo aquí como se entende? como que si, como que non ou como todo o contrario? Silencio respecto da Fábrica Pascual (150 familias ao paro), silencio sobre a fusión das Caixas Galegas, silencio sobre o decreto do galego, silencio sobre os estudos de medicina... e tanto silencio non será síntoma de incompetencia?
Pero o PP pode falar de xestión de conflitos sen medo a ruborizarse. O do Prestige e os “hilitos de plastilina” de Rajoy sei que non é o mellor exemplo, pero que me din da Conquista da Illa Perexil. Daquelas rezumábamos orgullo patrio até polas orellas. Parece que aínda escoito a Trillo: "Al alba, y con un tiempo duro con viento de levante de 35 nudos…". Aquilo si que foi unha operación de altura. O exército español púñase en alerta e mobilizaba na zona nove barcos, dous submarinos, dous avións P3-ORION, un batallón de helicópteros de combate e un destacamento do Segundo Terzo da Lexión. Laa leche! Que pensarían os dous moros (que podían ser cristiáns) e as catro cabras ao ver aquilo?. Menudo era Trillo! A que tería montado este home en Somalia. Agora sería colonia española.

2 COMENTARIOS